اخي الزوج ..
بعض الأحيان تحدث خلافات بينك وبين زوجتك .. وفي احيان كثيرة يكون السبب من تحت راسك !! يسلملي والله
وعارف في قرارة نفسك انك المخطي وتريد مصالحتها ولكن لا تدري كيف ؟؟
اختك ..توته احلى بنوته.. دائماً لديه الحل ( ناعمه الهاشمي حضرته )
سأخبرك عزيزي الزوج عن طريقتي الفتاكة في انتزاع الصلح من الزوجة بكل دهاء .. ودون خسائر مادية
( والله محد خارب هالميزانية غير الهدايا )
طريقتي بالإعتذار تكمن في سر نظرات العيون !!
مرة زوجتي قالت لي : انت يا ...... مرات يوم تطالعني ,, مقدر اقاوم سحر نظراتك ,,
عليك نظرة ذبّاحة ! ( الأخ يحسب نفسة توم كروز)
اخوكم ما كذب خبر !! من يومها وانا شغال تسبيل فهالعيون ( احسب نفسي نجلاء فتحي )
المهم يوم نتزاعل وانا الغلطان كيف اصالحها ؟؟
استخدم سلاح العيون الفتاك !!
مثال :
مرة وحنا متزاعلين كنت اتفرج بهالتلفزيون طلبت منها تعطيني الريموت (طبعاً قبلها اخوكم شغاّل في إرسال اشعته
الفتاكة وهي نظرات التسبيل والسرحان بس يوم تكون بالغرفة معي ,, وانواع المسكنة والطيبة
ويوم تعطيني الريموت بيدها ( الهوى هواها تلمخني بيه مخمّس على ام رأسي من القهر )
امسك إيدها من الساعد بكل حنيّة واجلسها جنبي وابدأ بسحر النظرات متمثلاً بتركيز عيني في عينيها دون كلام
طبعاً النظرات بتكون نظرات حب وحنان ( قول كل اللي بخاطرك بس بالنظرات ) هي بتنزل عيونها او تتجنب
النظر إليك من القهر!!
وش تسوي يالذكي ؟ ( لا تقول بشوف وين تناظر وطالع ذيك الجهة اشوف وش عندها )
لا لا يا الذكي !!
ارفع ذقنها بكل حنان واطلب منها انها تطالع فيك وركز عينك بعينها .. على طول بتفرط بكي وساعتها اعتذر منها
وطيب خاطرها ..
بعض الأحيان من زود قهرها منك بتتحداك وتطالع فيك بنظرات نارية غاضبة !!
وش تسوي يالذكي ؟؟
بادلها النظرات ولكن نظرات حنونة مع اللعب بخصلات شعرها او التمسيد على خدها ويدها .. بتضعف شوي !
وهنا صارحها بغلاها عندك وانك ما تقدر على زعلها !
هذه عزيزي الزوج .. بعض الطرق الفعالة في مصالحة الزوجة ان كنت انت الغلطان
اما حين تكون هي الغلطانة ..
فنصيحتي لك بأن تسوق الثقل عليها شوي وبعدين صالحها ..
ممكن تجرب تتبع اسلوبك وتمسك يدك وتطالعك ( تبي تصالحك ) !!
خلك ذكي وغمّض عينك خخخخخخخخخخخخخخخ
م ل ط و ش
الثلاثاء مايو 20, 2008 8:03 pm
