II4II you...
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

II4II you...

منتدى الـشـع ـر والخــواطر والأنـاقه والـرقي والنقشات الجاده والضحك والـصرقعه
 
الرئيسيةأحدث الصورالتسجيلدخول

 

 روايه سعوديه جريئه كوميديه دراميه رومنسيه((افهم انك تموت وماتثيراهتمامي))

اذهب الى الأسفل 
2 مشترك
كاتب الموضوعرسالة
M!Ss BeSho0o

M!Ss BeSho0o


المساهمات : 84
تاريخ التسجيل : 13/05/2008
الموقع : from::ro0o0m

روايه سعوديه جريئه كوميديه دراميه رومنسيه((افهم انك تموت وماتثيراهتمامي)) Empty
مُساهمةموضوع: روايه سعوديه جريئه كوميديه دراميه رومنسيه((افهم انك تموت وماتثيراهتمامي))   روايه سعوديه جريئه كوميديه دراميه رومنسيه((افهم انك تموت وماتثيراهتمامي)) Icon_minitimeالأحد مايو 25, 2008 6:29 pm

روايه سعوديه جريئه كوميديه دراميه رومنسيه((افهم انك تموت وما تثير إهتمامي))

للكاتبه : إنسكاب الجاذبيه

( أفهم إنك تموت وما تثير إهتمامي)


الفصل الأول

طلال وسمر مالهم يوم متزوجين و بالطريق من الدمام لرياض ومسافرين على السياره الساعه 2 بالليل

سمر: لا ماله داعي كذا احسن بدون صوت اهداء

طلال:بس طفش كذا راح اشغل راب

سمر : شوف اذا بتشغل شغل شي ينبلع قال راب قال

طلال طنش سمر وشغل الأستريوا ومن زود العناد شغل راب كمان

سمر: اقالك تعاند انت

طلال : .........<< ساكت ويهز براسه وشكله ناوي يهبل في سمر

سمر: اكلم جدار انا

طلال:..........<< ساكت ويرقص ولا كأن احد يتكلم

سمر قدر طلال ينرفزها عصبت بس حاولت تهدي وتبرد قربت من الاستريو وحولت على الرادوا وكان اغنيه راشد عشان الحب وابتسمت بأنتصار كأنها مسويه شي عظيم

طلال : خخخخ تستهبلين انتي

سمر : لا انا ماستهبل ولا احب الاستهبال

طلال طنش سمر ورجع على السيدي اللي كان مسويه هو وربعه ايام الثانويه و راميه في آخر درج في السياره آخر مره شغله ايام تخرجه من الثانويه طلال كان يحب السيدي هذا كثير وكان فيه اغاني كثير فوق 800 اغنيه كان فيه اغنيه لــمساري هذا سمر كانت تحبه ايام المراهقه

نسرتجع موقف :


سمر:وااااااااااااااااااااااااااااااااااء <<صراخ بنات المتوسط المعروف كانه صفارات إنذار

هتاف : بس يا سمر فضحتينا

سمر : بالله جبتي صورته ولا تستهبلين

هتاف : ايوووه ايووه جايبتها بس اسكتي لا تكلبشنا الاداره

( سمر وهتاف هاربين من الحصه )

سمر : طيب وين الصوره اللحين ؟

هتاف : عند براده الثنوي مغبيتها ما قدرت احطها في شنطتي يقولون شله فازلين انه فيه تفتيش اليوم

سمر : يوه ولله بلشه يعني اذا رحنا عند براده الثنوي راح تشوفنا مراقبه الثنوي ويوصل الخبر لأدارتنا واستلم التعهد يا بنت

هتاف : اخيراً بديتي تفكرين صح

سمر : بس ما علي ببروح اجيبها واللي يصير يصير
(سمر راحت وتركت هتاف )

هتاف تكلم نفسها بيأس : طايشه تظل طايشه مهما فكرت صح

سمر وهي تركض تبي تعدي فصول الثنوي عشان توصل لدورات المياه

سمر كان شكلها ملفت لدرجه فضيعه في ايام المتوسط كانت قاصه قصه امل حجازي بياع الورد

وصابغه شعرها ملون بنفسج وموف وسماوي وتدرجات الاخضر ومريولها مره مززبرق كانه ثوب عرس الله يصلحها يعني خصر نازل وجيووب وحديد مدري من وين طالع والي يقرقش عند كمها يعني مللفته ومميزه بين البنات <<يعني البنت طايشه ومطنشه العالم

وهي تركض ما شافها احد وحمدت ربها وعينت من الله خير وقامت تدور على الصوره في البراده كانت ماده يدها من وراء البراده وتحاول توصل لصوره لما وصلت لها وجابتها وطلعت يدها وقامت تتأمل بصوره بعيوون كلها امل وفررح ودموع وحابسه صرختها .. مرت ممكن ثلاث دقايق وهي تتأمل الصوره قالت في نفسها : يووه لازم ارقى اللحين هتاف سابقتني على الصف . ما رفعت راسها الا مراقبه الثنوي واقفه قدام وجهها

المراقبه : وش تسوي بنت متوسط في حمامات الثنوي

سمر بخوف: استاذه كنت ناسيه شغله هنا <<<مشكلتك يا سمر ما تعرفين ترقعين >>

المراقبه : لا باللهي وشي الشغله تلقينه قلووس ولا رسايل مدري وش تبي <<تقصد رسايل الأعجاب>>ولا خرابيطكم يالمتوسط

سمر : لا استاذه وش دعوه بس انا كنت ادرس في الفسحه ونسيت الملخص هنا <<ما تنبلع يا سمر ملخص بالحمامات >>

المراقبه: وش منزلك من دور المتوسط لدور الثناوي (( مدرسه سمر كانت دورين للمتوسط والثانوي وممنوع احد من بنات المتوسط ينزل تحت او من بنات الثنوي يرقى فوق الا في الفسحه))

سمر : يووه وش فيك يا استاذه قلت لك ناسيه الملخص هنا ((تخبي صوره مساري ورا ظهرها))

المراقبه: وريني الملخص هذا

سمر : لا

المراقبه : وشي لا هاذي

سمر : لا يعني لا

المراقبه: بتويريني ولا وشلون <<تناظرها نظرات تهديد

سمر : لا ماني موريتك وريني وش بتسوين <<سمر تخاف من المعلمات عموماً لاكن تحاول انها ما تبين هالشي

المراقبه : وش قله الادب هاذي كذا تكلمين احد اكبر منك

سمر : ولله اذا كان وقح ويتطفل على خصوصيات الغير مستعده اكلمه كذا <<مهوويه البنت

المراقبه: بدق على ادارتكم تتصرف معك اذا ما وريتيني
سمر كانت عارفه ايش بيصير اذا ورتها لانه واصل واصل للأداره عشان صداقات المعلمات وحشهم في الطالبات وكذا \\ سمر قالت خاربه خاربه خلين اخذ موقف قووي

سمر : دقي وريني ايش بتسوين

أخذت مراقبه الثنوي سمر على غرفه الاداره في دور المتوسط بدون ما تدق وبدون شي من وسع الوجه

المديره : خير ان شاء الله يا استاذه مها

المراقبة : لمي بنات يا استاذه هيله كل يوم والثاني جايه بنت تتسكع تحت وتزعج ومدري ايش تسوي بالحمامات <<مشكله التفكير المنحرف >> وتقول ايش ناسيه الملخص وراء البراده ابي افهم وش جاب الملخص وراء البراده مدري وما كأنه عندها حصه ..

المديرة : العذر والسموحه يا استاذه مها ولله تعرفين احيان نكون مشغولين مع التوجيه وتنظيم حفلاتهم اعذرينا فما ننتبه>>الله من زين العذر << للبنات اذا نزلوا ورقوا بالعده تكون فيه وحده تهش هم عند الدرج <<,وشي تهش هم ذي حيوانات هم

المراقبه : صار خير وكل شي ممكن نعديه الا وقاحه الطالبه مع وحده اكبر منها مو كنننا تحت رعايه وزاره التربيه

المديره سحبت المراقبه برا غرفه الاداره قريب من الباب يعني وتركوا سمر في غرفه الاداره المراقبه قاعده تحكي للمديره اللي صار
وسمر في غرفه الأداره ما تدري وش تسوي

وهي قاعده تتفرج على التحف والكراسي والطاولات شافت كمبيوتر المديره مفتوح اشتغل هرمون اللقافه راحت تشوف وش فيه لقت المديره فاتحه برنامج الوورد تكتب فيه التقارير وفيه ايميل المدرسه موجود ايميل جديد من التوجيه كتبت ايميل لتوجيه

انا مديره المتوسطه ال..... في محافظه الدمام : هيله العسكر

قررت منع طالباتي من المشاركه بحفل تافهه لا يحوي أي شي من الأهميه سوى تكريم بعض معلماتكم غير الجديرات بتكريم وانا هنا اهتم بحفلكم التافهه وارى اني اهملت السواليف مع المعلمات ودق الحنك معهم

لأجل ذالك نرجوا ان تضفوا عفشكم

____________________________

(وحطت صوره الختم وصوره توقيع المديره )

ارسلت الايميل
ومسحته من المرسله

ورجعت مكانها لا من شاف ولا من درى ((لعينه ذا البنت ))

المديره دخلت وججها احمر من العصبيه طبعاً المراقبه زودت من عندها


بداء التهزيء :

المديره : وريني وش اللي معك يابنت

سمر : لا
المديره : اقول وريني لا بالعصى

سمر : ما تقدرين تضربيني الوزاره مانعه الضرب وماني اصغر عيالك عشان تصرخين علي كذا

المديره : لا لا طاالت وشمخت شين وقويه عين انتي ما تستحين على وجهك ما ربوك اهلك على احترام اللي اكبر منك اذا ما ربوك قولي لي اربيك

سمر : انا مربيه غصبن على اللي مو عاجبه اهلي مربييني احترم اللي اكبر مني بس لا صار عقله صغير
ويقول كلام اصغر من سنه يعني كلام بزران ما اقدر احترمه لانه ما ...((قطعتها المديره))

الديره : انتي ووووووووووقحه وما تربيني استكي يا قليله الحياء
وريني وش اللي بيدك ((اخذتها من يدها بالقوه )) يا وووقحه يالصااايعه ياللي ما تربيتي تجيبين صور عيال للمدرسه اذا انتي صااايعه خلي صياعتك ببيت اهلك لا تخربين المدرسه كلها يالجرثومه

سمر: ما اسمح لك تتكلمين معي بهالطريقه انا مربيه غصبن عليك وبنت عالم وناس وماني صايعه كلن يشوف الناس بعين طبعه ما سويت شي غلط ولا حرام ..((قطعتها برضوا )

المديره : انطمي ولا كللللللللللمه انطميييييييييي يا بنت الشوارع وش منزلك عند الثانوي هاه وش تسوين تحت تكلمي تكلمي

سمر تضحك : ههههههه استغفر الله وش هالنفسيه قبل شوي تقولين لي انطمي الحمدالله والشكر اذا خاطبكم الجاهلون فقولوا سلاماً

في فصل هتاف يسمعون صراخ المديره ومعه صراخ سمر . .هتاف حست باللي صاير وحست انها سبب باللي يصير مع سمر أنبها ضميرها كثيررر
____________________________________-

المديره وقعت سمر تعهد وعطتها فصل تأديبي وكلمت اهلها وقالت كلام زي السم لاكن سمر كانت قوويه ما كانت تبكي وتشكي الا لمخدتها طلعت من غرفه الاداره تضحك وقبل لا تطلع قالت : معليش استاذه هيله ممكن الصوره اللي اخذتيها مني ؟ لانها ملكيه خاصه فيني واذا اخذتيها يعتبر استيلاء

المديره : خوذيه يا قليله الحيا وش ابي فيه انا مرقمته هذا بمجمع الظهران

سمر :هههههههههههههههههههههه استاذه هذا مو واحد عادي هذا المغني مساري اللي يغني انت حياتي وبي ايزي

المديره قامت تخانق وتحضرم سمر طلعت وهي تضحك وطنشتها

سمر في الطلعه

سمر:ايووووه يا بنااات راح اغيب اسبووع كامل

شله فازلين : افااااااااا ليييييه عطووك فصل

سمر : بزززبط اهوو داء شله فازلين بسافر لأهلي في الرياض مع اخوي مشعل قاعدين بالبيت ولله لا شغل ولا مشغله او يمكن نروح البحرين صباح السبت

شله خويات بليس :افاااا سمر بنشتاق لصرااخك وهواااشك

سمر : هع عااارفه خويات وانا بعد بشتاق لكم

سمر : وش تبون اجيب لكم شله حليب نياق ؟

شله حليب نياق : نبي بطاقه شحن ام خمسين تعرفين عشان الترقيم بالمجمعات والاستهبال
سمر :هع تولمووا بس دام فيها ترقيم تخسوون

هتاف بهمس : سمر ممكن شوي

سمر : عيوون سمر قلب سمر تامرين امر انتي

سمر بعد ما ابعدت عن الصجه : هلا

هتاف : انا اسفه ورطتك

سمر : لا ياشيخه وش فيك انتي مالك دخل في الموضوع انا اللي متهوره بزياده

هتاف : لا بس ولو انتي صديقتي مهما كان احس تصرفي كان غلط

سمر : ماصار الا الخير يا شخيه وش صار عاد خناق وتعهد وفصل تأديبي عاادي ماصار الا الخير

هتاف : تسمين هذا خناق وربي لو انه جبل ذاب من صراخها من جد كان المفروض اكون معك

سمر : لا تخافين سكت والدينها صحيح هي تصارخ بس كلامها لا راح ولا جاء

_______________________

يتضح لنا من هالموقف جوانب كثيره من شخصيه سمر

نرجع لطلال




سمر : لا انا ماستهبل ولا احب الاستهبال

طلال طنش سمر ورجع على السدي دي اللي كان مسويه هو وربعه ايام الثانويه وكان راميه في آخر درج في السياره آخر مره شغله ايام تخرجه من الثانويه طلال كان يحب السيدي هذا كثير لان فيه ذكريات كثيره وكان فيه اغاني لمساري هذا سمر كانت تمووت فيه ايام المراهقه وتحفظ اغانيه حفظ من قلب

لما رجع على السيدي من الرادوا طلعت اغنيه لمساري سمر سكتت لحظه تتذكر هالصوت مو غريب عليها ايه واحد تعرفه فكرت فيه كثيرر في مرحله من عمرها وكانت ما تنام الا وهي تحلم فيه ايوووه مسااري مسااري ايووه
سمر تسوي نفسها غبيه : مين هذا المطرب اول مره اسمع له

طلال مستغرب منها: هذا مساري ما تعرفينه

سمر: هه لا ....<<بدون اهتمام حب مراهقه قديم راح واندثر هي بدون حب اللحين وعايشه حياتها بدون جروح

تركت على المرتبه ونزلتها لتحت شوي تذكرت ايام المراهقه شوي وحبها الاول وحبها الثاني والثالث والرابع وتضحك على نفسها نامت من تعب السفر والمكيف يضرب عليها وبااارد يخلي اللي ما ينام ينام كانت كاشفه راسها شعرها اسود مايل على البني طوله الى نص كتفها وجاي مووج ومحيوس بيضاء خدودها موورده وجهها مبدور رموشها طواال وخفيفه شفايفها ورديه هااديه مرتبه وملمومه على بعضها وملينانه عيونها مايله للبني امثر منه لسواد البنت شكلها وهي نايمه تخلي العاقل ينجن ملائكيه بشكل مع انها ما يقال عنها جميله بمعنى الكلمه لاكن الجمال الرباني يبان فيها عبايتها على كتفها والشيله على رقبتها ونايمه بهدوء اللي يشوفها وهي مرتاحه كذا والشيله محيوسه على كتفها وشعرها والجو اللي هي فيه يحس انه تعبااااان ويبغى يرتاح

طلال تأملها شوي و الموسيقى تضرب ومو مراعي لأحد شعور <<<<اكررهه هالأنسان هع

طلال : سمر نمتي ؟؟

سمر : . . . .

طلال : سمرررر <<<<<<<<<<<يصارخ ذا الدميجه مشكله طلال عفوي على لعانه ما تدري وش تسميه

سمر فزت من نومها: ووووجع وش هالصراااخ انت

طلال : قومي

سمر وودها تصكه كف : وليه اقوم تخاف من العوي انت <<سمر مستخفه فيه وتحسه بزر

طلال : لا بس خايف انام ونروح فيها انا وياك

سمر : بل بل بل اعووذ بالله فال الله ولا فالك طيب وذا المسجل اللي مزعجنا فيه ماله دور في الحياه يعني

طلال : بس مو زيك

سمر مو مستوعبه عليه ونصها نوم وماله خلقه : كيف يعني انا مهرج يضحكك و ما ينومك

طلال : اووكي يالدميجه نامي

سمر : لا عاد اخيراً طلع الحكم من مجلس وزاره الداخليه

طلال : لا بس رحمتك يا ويلي شكلك مثير للشفقه ومين قالك اني بخليك تنامين على راحتك بعلي المسجل على الاخر تبيني انام ونموت يالخبله

سمر : اعوذ بالله من ابليس بس

طلال وسمر كلهم نوع مشكلجي ويحب اللي يجاريهم في الكلام عشان كذا يسايرون بعض بس تحس ان حياتهم كذا ما فيها ولا لحظه رومنس بس جايز يكون فيه


سمر توها قايمه من النوم ما نامت الا ربع ساعه وتحس راسها بينفجر

سمر : اووف وش هالصداع ياربي ااااااااااه

طلال: فديت اللي يصدعون يا ناس

سمر : وش اللي جابني في الشنطه

طلال : العوي حقك اللي بيجيني ذاك تذكرينه

سمر: اقوول طليييل تكلم مـ.ن.... ,, هيييييييييييييييييي ووه يا عزيلي نايمه فوق الكفرات طول الوقت وسرعتك يالمهايطي 180 اجل بعذر راسي

طلال : من جد اسف سوسو بس عجزت اقاوم

سمر : وجع من معلمك الخرابيط وش تقاوم انت ووجهك

طلال : هههههههههههه يا حليلك خفيفه دم عمري 22 طااعوون وش لازم اعرف هالخرابيط واصير مدرس بعد

سمر: بزززززززززززررررر لا من جد وشلون جدعتني في الشنطه وانت تسوق

طلال يتليعن : اوف جدعتيني ما لقيتي لفظ افضل منه

سمر : لا من جد طليل

طلال : ابد ولله لبقت وريحت لي عشر دقايق يوم اقوم واشوفك تقل بسه مشرده رحمتك شلتك وديتك ورى بس تراي مغطيك ومسوي لك فراش وذا بس تعرفين شغل التفحيط

سمر : اقول طلال انت مستخف اليوم صح ؟

طلال ما جاوب و يستفزها : اموووت عليهم ياناس

سمر : منهم ؟

طلال : تغارين ؟

سمر : من مين ؟

طلال : تغارين علي

سمر : خ خ خ يالثقه من زينك عاد

طلال :وراي اهبل بسم الله علي بس انتي مو راضيه تقبلين ان رجلك احلى منك

سمر جت جنبه قدام وقامت تتكلم بجديه لانه حست ان الوضع بداء يطور مع طلال ومعاها وهي مو راضيه تسمح لنفسها تحب مره ثانيه : طلال ممكن توقف شوي

طلال بمكر : ليه ؟

سمر بجديه : لو سمحت وقف

طلال مستغرب منها : اوكي

لبق طلال على الرصيف

طلال بأستغراب : وش فيه

سمر : طلال اسمعني زين لا تنسى اني انا مغصوبه عليك وانت مغصوب علي طيب يعني شي مو فأيدي ولا في إيدك انت تكرهني وانا اكرهك بس مجرد بنسكت العايله ونسوي تمثليه ونطلق طيب <<عقلها صغييير بزر ما ينشره عليها

طلال : سمر وش هالكلام صحيح انا مغصوب عليك بس مو معانته اني اكرهك وسالفه الطلاق مؤجله حتى نشوف اذا قدرنا نعيش مع بعض ولا لا

سمر : يعني انت ما تحب وحده وتبي تتزوجها

طلال : ههههههههههههههههههههههههه من قال انا ما احب احد ولا فكرت احب انا بس ما كنت ابي اتزوج اللحين وبصراحه لما شفتك حسيتك هاديه وما تحبين الخناق والج لجه والفله يعني ما تصلحين لي فاهمه بس طلعتي عكس كذا

سمر : طيب انا ما احبك ولسه ابي اكمل دراستي وعندي طموح بحققه وتوني بزر على الزواج يعني ما ابييييييييييييييييييييييييييييييييك

طلال انسان رايق ودوبلوماسي وياخذ الامور ببساطه طلال : اذا على انك ما تحبيني اقدر اخليك تحبيني بيومين واذا على الزواج اعتبريني بوي فرندك مو زوجك وكملي دراستك وحققي طموحاتك ممكن نروح انا وياك ندرس برى كمان مرح نحمل انفسنا أي مسؤليات بدري انا بعد ابي اعيش واستانس مع ربعي والانسانه اللي احبها ونعيش فتره مو كنا متزوجين وماعندنا مسؤليات واذا حبيتيني اكيد بتصيرين تبيني <<امووت على الأنسان المتفتح

سمر هنا حست انه طلاااال كبببببببببببر بعينها وانه نفس تفكيرها ماعنده استعداد لزواج وينحب وطيب قلبه رايق ويحل المشاكل بطقه اصبع خلا الكابوس اللي هي فيه حلم وردي بكلمتين فوق بعظها سمر في قلبها فرح واحساس بنشوه الحياة وممكن تكمل حياتها زي أي بنت سمر عمرها 19 سنه وتحس انها صغيره على الزواج مع انه مو مره صغيره بس الدلع عامل عمايله


س1سمر راح تحب طلال ولا مجرد إعجاب وتقبل ؟
س2طلال صادق باللي قاله ولا بس يبي يهبل في البنت ويستهبل فيها ؟
س4هتاف راح تدخلين معنا في الروايه ولا بس تكوني من سوابق سمر ؟
س5مين راح يقابلون سمر وطلال في طريقهم لرياض ؟

اذا شفت تفاعل راح انزل البارت الثاني الروايه كثيررر مشوقه وممتعه لا تفوتكم

****M!Ss Besho0o****
الرجوع الى أعلى الصفحة اذهب الى الأسفل
M!Ss feefee
إدارهـ عــامه
إدارهـ عــامه
M!Ss feefee


المساهمات : 112
تاريخ التسجيل : 01/05/2008
الموقع : أين ما يوجد قلبي

روايه سعوديه جريئه كوميديه دراميه رومنسيه((افهم انك تموت وماتثيراهتمامي)) Empty
مُساهمةموضوع: رد: روايه سعوديه جريئه كوميديه دراميه رومنسيه((افهم انك تموت وماتثيراهتمامي))   روايه سعوديه جريئه كوميديه دراميه رومنسيه((افهم انك تموت وماتثيراهتمامي)) Icon_minitimeالجمعة مايو 30, 2008 6:01 pm

وااااااااو جووناااان حوووبي

تصدقي انا قريت مووضووعه ولفتني بس قلت إنشاء الله برجع لها وأنــزله.. بس شكلك رحمتيني ونزلتيها

ويلا حــوبي .. برووح |أقــرآآهــا


تح ـيـآآآتي لكـ,,

,,M!Ss feefee ,,

}} جـــآآآري القــراءه>>
[/center]
الرجوع الى أعلى الصفحة اذهب الى الأسفل
https://no0o0or.yoo7.com/
M!Ss feefee
إدارهـ عــامه
إدارهـ عــامه
M!Ss feefee


المساهمات : 112
تاريخ التسجيل : 01/05/2008
الموقع : أين ما يوجد قلبي

روايه سعوديه جريئه كوميديه دراميه رومنسيه((افهم انك تموت وماتثيراهتمامي)) Empty
مُساهمةموضوع: رد: روايه سعوديه جريئه كوميديه دراميه رومنسيه((افهم انك تموت وماتثيراهتمامي))   روايه سعوديه جريئه كوميديه دراميه رومنسيه((افهم انك تموت وماتثيراهتمامي)) Icon_minitimeالجمعة مايو 30, 2008 6:39 pm

لاااء بيشووو بليز نزلي البااارت الثاااني ...

حمااس مرهـ بسرعه تكفين حووبي

والله تحمست معااهم.

يجننوووو وخااصه سمر شكله مجنوونه


آآنتظرك بفاارغ الصبر حوبي


تح ــيآآتي لك وانا على نــار

,,M!Ss feefee ,,
الرجوع الى أعلى الصفحة اذهب الى الأسفل
https://no0o0or.yoo7.com/
M!Ss BeSho0o

M!Ss BeSho0o


المساهمات : 84
تاريخ التسجيل : 13/05/2008
الموقع : from::ro0o0m

روايه سعوديه جريئه كوميديه دراميه رومنسيه((افهم انك تموت وماتثيراهتمامي)) Empty
مُساهمةموضوع: رد: روايه سعوديه جريئه كوميديه دراميه رومنسيه((افهم انك تموت وماتثيراهتمامي))   روايه سعوديه جريئه كوميديه دراميه رومنسيه((افهم انك تموت وماتثيراهتمامي)) Icon_minitimeالسبت مايو 31, 2008 12:27 am

يسلموووو حوووبي ع مرورك الرائع

وعشااان خاااطر عيونك راح انزلــــه

توبريني شووووو مهضومه انتي
>>>وحده فرحااانه فيك ههههههه

M!Ss Besho0o
الرجوع الى أعلى الصفحة اذهب الى الأسفل
M!Ss BeSho0o

M!Ss BeSho0o


المساهمات : 84
تاريخ التسجيل : 13/05/2008
الموقع : from::ro0o0m

روايه سعوديه جريئه كوميديه دراميه رومنسيه((افهم انك تموت وماتثيراهتمامي)) Empty
مُساهمةموضوع: رد: روايه سعوديه جريئه كوميديه دراميه رومنسيه((افهم انك تموت وماتثيراهتمامي))   روايه سعوديه جريئه كوميديه دراميه رومنسيه((افهم انك تموت وماتثيراهتمامي)) Icon_minitimeالسبت مايو 31, 2008 12:32 am


الفصل الثاني :

سمر هنا حست انه طلاااال كبببببببببببر بعينها وانه نفس تفكيرها ماعنده استعداد لزواج وينحب وطيب قلبه رايق ويحل المشاكل بطقه اصبع خلا الكابوس اللي هي فيه حلم وردي بكلمتين فوق بعظها سمر في قلبها فرح واحساس بنشوه الحياة وممكن تكمل حياتها زي أي بنت سمر عمرها 19 سنه وتحس انها صغيره على الزواج مع انه مو مره صغيره بس الدلع عامل عمايله


سمر: .......

طلال يتكلم في نفسه : غريبه البنت تنحت وتعابير وجهها تغيرت للأحسن مبين انها تصدق على طول مسكينه حلوو دام كذا الوضع

طلال يتكلم بصوت مسموع : شفيك ساكته

سمر : لا ابدا ما فيه شي مستغربه من تفتحك بس لاكن حرك حرك

طلال : لا يا حبي لك انا انسان متفتح وش يدريك انتي <<اقوول الله من الهياط يا طليل

سمر : اقول حرك يالمتفتح

طلال : ههههه طيب يا ام الطموح \

ما امداه تمر عشر دقايق الا

طلال : يووووووووه

سمر : وش فيه

طلال : مبين السياره بنشرت

سمر : يوووه هذا وقته

طلال : اااااااااااف مبين راح نسفط على جنب

صفطوا على جنب \\ الوضع مو عاجب سمر ابداااً راح تحتك في طلال اكثر هي متفقه مع نفسها انها ما تعطيه مجال صحيح طمنها كلامه لاكن هي راسها يابس عكس ما توقعه طلال


طلال: مبين راح اطول شوي لانه لازم ارفع الجيب وثقييل يبي له وقت هذا اذا كانت العدة معي انزلي ونزلي البساط شوفيه في الشطنه ارتاحي لك شوي على ما اخلص

سمر ابدااا ابدااا مو عاجبها الوضع هي يالله مستحمله الأربع ساعات المشوار عشان تستحمل زياده تبي الفكه منه وتبي تشوف امها في الرياض من ثلاث سنين عنها

ام وابو سمر مطلقين وسمر عايشه مع خواتها في الدمام وامها في الرياض ام سمر ما تبي تحظر زفه بنتها بسبب الجو المكهرب هناك صعبه تجيهم كذا فجاءه وسبب ثاني ان زوج ام سمر بدوي رافض فكره انها تروح لدمام وتبعد عن بيتها فسمر وعدت امها تجيها اول صباحيتها مسكينه سمر مو عايشه زي أي عروس


استرخت على ظهرها وشافت منظر خيالللي كل ليله يتكرر بس محد ينتبه له منظر ررررهيب حسافه يظيع عمرنا وحنا ما نتأمله ولا لحظه السماء سوووودااااء حالكه السوااد والنجوووم ماااليه السماء ازرق وابيض واحمر وبنفسج وجايه السماء كانها منقطه واليله مو قمره الجو مرره مظلم

سمر لا شعورياً : الللللللللللللللللللللله

طلال وهو يصلح السياره : وش فيه

سمر : ااف ما كلمك

طلال : الحمد الله تونا نضحك وش زيننا وش جاك انتي وبعدين مين تكلمين

سمر : اسكت اسكت مالي خلقك اكلم اللي اكلمه مالك شغل

طلال طووويل بال بشكل ما تتخيلونه : اوكي راح اسكت بس لا نتسينها اووكي

سمر وهي تتأمل النجوم وضاايعه في عالم ثاني


يا بعدهم كلهم . .
يا سراجي بينهم . .
عطني من دنياك حبك ..
واترك الباقي لهم ..
ياللي انفاسك دفايا ..
ولمست ايدينك شفايا..
يكفي بس تبقى معايا ..
منهو من بعدك مهم ؟؟

كانت تغنيها في احسااااس وكأنها تذكر شي يؤلمها يوجعها يجرحها

نسترجع موقف في بيت جده سمر :

سمر : لا لا وقفوا غش كذااا


محمد: لا ما علينا منك يالبزر مانتي لاعبه معنى

سمر : الا الا غصب عليكم

فيصل : يا ابن الحلال دخلها معنى وش بيظر يعني

محمد : لا يا خي كم عمرها ذا البزر 7 سنين يعني لو جت الكوره على دميجتها قومت البيت وقعدته من الصياح

رفيف: اقول لا تبالغ محمد مو لهادرجه

فيصل : شوف سمر تبي تدخل يعني تبي تدخل كل البزران يلعبون الا هي يعني حراام عليك كذا

سمر تراقب المشهد وكلام فيصل عاجبها قالت: الللللللللللله انا احب هذا (تأشر على فيصل ) انت ما احبك (تأشر على محمد )

كل اللي في الحوش كا كا كا هههههههههههههههههههههههه كع كع هع هع هههههههههههههههههه

سمر اتسغربت من رده الفعل شو قالت عشان يضحكون هالضحك

ليث : ههههه سمر مين مين تحبين

سمر بستخفاف : هذا (تأشر على فيصل )

((<طفله تحاكيني عن الحب بشويش وانا في هالحظه ميت الطفله>))

رفيف : هههههههه ياحبي لهم اللي يحبون يا ناس

اروى : ههههههههههههههههههه سمر ما توقعتها منك

سمر بأستغراب منهم : ما توقعتي شو

اروى : لا يا قلبي ولا شي

طلعوا الحريم يركضووون للحوش وتركوا الصاله والشاهي والفص فص والحش

كل الحريم : مين تحبين سمر ؟

سمر بأستخفاف فيهم وعفويه : هههههههه وش فيكم انتم هذا اسمه فيصل

فيصل منحرج من براءه سمر ما يدري ايش يقول

تولدت قصه حب بريئه بين فيصل وسمر كان فيصل في ايام 15 و 16 اذا دخل على الحريم وسمر موجوده يغني :

يا بعدهم كلهم ..
يا سراجي بينهم ..
عطني من دنياك حبك ..
واترك الباقي لهم ..

سمر تستحي تحمرر خدودها وبس تبداء تقول انطم انطم مو حلو صوتك في ذاك الوقت عمرها 11 او 12 سنه وسالفه العايله سمر وفيصل

ايام ما كان عمر سمر 14 سنه بدت تتغطى وقلت شوفتها لفيصل الا كرررهته ما تحبه صارت تكره شي اسمه فيصل تحسه عار عليها بس اذا شافته او سمعته وهو يتنح نح تنسى كل هالكلام صعبه الأنسان يحكمه حب بسبب اللي حاوليه سمر لما قالت لفيصل احبك كانت تقصد حب اخوه لانه ماكان عندها اخوان اكبر منها فحسته اخوها الكبير

كان في جمعه من الجمعات سمر والبنات تفقوا يطلعون لجيان يجبوا اغراض حلويات مكسرات دوريتوس جالكسي توكس كتكات .. الخ عشان السهره والفله

رفيف : بنات مين بيودينا جيان

اروى: سواق خالتي سهام ولا عنود

عنود : ولله مدري اذا سواق امي فاضي

مرام : اوكي روحي أسأليها

سمر : ايه بالله مشتهين نطلع وميوزك ورقص ودنيا ولله فلله بدال هالحجره بقصر طول وعرض وزهقانين فيه

رفيف : سمر بس خلاص يا قلبي انتبهي يطق لك عرق

سمر : خخخ بايخه بس ولله وش ازين ززهقانه بعبر عن شعوري يمكن ارتاح

((ملحوظه سمر اصغر البنات ))

عنود : ولا يهمك يا روحي هذاي بروح اسألها

سمر : يا حبي له العنوود وه بس

مرام : احم احم نحن هنا

سمر : وش علينا منكم واذا صرتوا هنا
مرام : كوولي تبن ابيك تغزلين
عنود جت تركض وتصارخ : للأسف بنااات السواق طالع للقصيم
سمر : لا لا لا بمووووووت
رفيف : لازم اتصرف
رفيف دخلت صالت الحريم

اسمعوا وعوا حنا نبي نطلع دبروا لكم احد يطلعنا

ام محمد : مشاااء الله وين طالعين ان شاء الله ما عندنا بنات يطلعن

ام ليث : تكلمي عن بناتك هذا اذا صار عندك بنات الا يا امي لازم تطلعون وتوسعون صدركم

ام محمد اسكتت عقبها

سمر مدري من وين جت بس انها جت تطامر : ايه ايه خالتي ام ليث بالله طلعينا

اروى وعنود ومرام من ورى الصاله : الله يفضحكم بنات يا جرئهم ذولي كل هذا عشان يطلعن بل بل بل

ام ليث : بس للأسف ما عندي احد يوديكم يمه

رفيف : وليث وش شغلته خالتي

ام ليث : يا بنيتي ما وداني وجابني عشان يوديكم

احلام هاذي اخت فيصل الكبيره توها متزوجه : بنااات ايه بالله دامكم بتروحون جيبوا لي من الصيدليه محلول عدسات

سمر : يا حبيبتي اذا لقينا احد يودينا تعالي تشرطي

احلام : مو مشكله اقول لفيصل يوديكم

سمر بقلبها : اااوووف يالبلشه اذا رفضت اروح بيحسون اني ما ابي اجي عشان ذاك الدميجه شي طبيعي من اليوم وانا اززن عليهم ما اعرف الثقل ابدااا الله يصلحن

ام فيصل : ايه ولله وانا ابي اغراض بعد

سمر : حلووو بنطلع يالله كل وحده تكتب كشه اللي تبيه بورقه عشان نجيبه له ووه بس لو الحريم يسووقوون


فاطمه ام سمر : سمر تعالي
سمر بهمس : سمي يمه
فاطمه : اركدي يمه شوي لا تصيرين مهبوله بالحيل
سمر : ودي ودي يمه بس ما اقدر غير جبل ولا تغير طبع
فاطمه : اسمعي يمه اذا ركبتي السياره لا تقعدين تسولفين وذا تراك مع رجال غريب
سمر : وش دعوه يمه ولد خالتي
فاطمه : بس مو محرمك
سمر : ابشرري

ام ليث : احلام اذا دقيتي على فيصل قولي له يخلي ليث يجي معه لعل وعسى يحس ان الطلعه شي ممتع

احلام : اووكي

رفيف : بناااااااااات ابشركم بنطلع

اروى : يا سلاام على الفله

عنود : يا حسافتك يا سواقنا

سمر : ايه ولله

مرام : يالله بنات البسوا عبيكم

لبسوا عباياتهم وطلعوا

سياره فيصل مرتبتين وراء واللي قدام حقت السايق وشنطه ورى السياره فخمه درجه اولى

سمر شي طبيعي انها بتركد مو عشان امها الا عشان الكره الممثل لناحيه فيصل بدون سبب

وعنود بينها وبين فيصل موااانه لانها ماتتغطى تحس انها توها بدري وفيصل دايم يجي عند خالته ام العنود ام ليث لانه بنفس المدينه اللي عايش فيها الرياض وعشان رفيقه وولد خالته ليث يعني العنود زي اخته بزززبط

ركبوا البنات رفيف لم الباب وليث قدامها سمر جنب رفيف بعدين مرام بعدين اروى بعدين العنود وراء فيصل

بدت السياره تمشي سمر مو مصدقه هي قريبه من فيصل قريبه منه كثير ما بينها وبينه الا شبرين او ثلاث اشبار

فيصل وليث يضحكون ويسولفون البنات صمممممممممممممت تااااااااام مو متعودين يركبون مع احد بدون محرم ا مع انهم قرايب بس البنات من عائلات محافظه لدرجه قريبه من التكبت الا العنود المنفتحه شووي يعني تسولف مع عيال خوالها وتحسه عادي بنت هوامير واغلب عمرها برا السعوديه
فيصل شغل الميوزك اجنبي وبدت السياره تهتز من الصوت سمر تحرك رجلها على دقه الميوزك يؤ يؤ ززحمه الرياض راح نطول يا سمر اتحملينا شوي

اشااااره

يؤ يؤ يعني ربع ساعه راح نوقف من الزحمه

مو موشكله نستحمل دام الموضوع فيه سمر وفيصل

لحظه صمممت الكل ساكت

خرب هالتناغم الروحي ولحظه الصمت حركه ليث
لما نغز يد فيصل

فيصل : اقوول العنود

العنود : هلا

فيصل : اللي مو جنب الباب البنت اللي جنبها هاذي سمر

سمر : قلبها وصل لفمها من قوة خفقانه مسكت يد رفيف تبي تاخذ شويه قووه منها جسمها محتترر يمكن سنتين ما كلمها ولا سمعه صوته

العنود : ايوووه اللي معاها شنطه بربري هاذي سمر

سمر ساكته الله يعلم بحالها

فيصل : مشاااء الله محلووووة كثيررر

سمر اختبت كيف اوصفها لكم يا ناس عيونه عليها من المرايه وصوته بأذانيها زي الصدى تحسه يا كلها اكل قامت تتمئك بيد رفيف بقووووووه لدرجه ايد رفيف طلعت فيها اثار اصابع سمر وبيدها الثانيه تغطي النقاب من يمين ومن يسار

يؤ يؤ يؤ شو هالأحراج يا سمر

العنود بلعانه: بسم الله علينا شلون تشوف انت كيف قزيتها

فيصل : ههههههههههههههههههههههههاااي <<<مدري ليه احسها ضحكه شيطانيه

نزلوا البنات لجيان ودخل فيصل لصيدليه وليث دخل محل باسكن روبنز اشتروا البنات اللي يبونه وطلعوا سمر وهي تطلع ما انتبهت الا فيصل يطالعها من على القزاز احق الصديليه وما يطالعها عادي زي أي ششي يشوفه من والى شو اوصف لكم هالانسان عينه حاااره طنشته وركبت السياره مع البنات سولفوا شوي

سمر : عنود قولي للعيال يشغلون عربي بالله ما افهم على الطقه وربي

العنود : ولا يهمك اللحين

مرام تبي تسولف عن الموقف : سمر شفتي لما فيصـ..


ركب فيصل وليث وعلى طول اسكت الكل
سمر حمدت ربها انهم ركبوا ما تدري رده فعلها كيف تكون
مشت السياره تقريبا نصف الطريق والكل ساكت

العنود : فيصل عندك عربي راشد عبد المجيد رابح شي يونس

ليث : ايه اخبر في السياره انسان اكثر

فيصل : اقول انطم خلاص لقيت العربي

ليث : حلوو ولله شغله طيب

يا بعدهم كلهم ..
يا سراجي بينهم ..
عطني من دنياك حبك ..
واترك الباقي لهم ..

ليث : الله على الصوت يا عبد المجيد

سمر في نفسها : شو هذا معقول هذا صدفه الشريط قديم كيف ؟؟ ولله انك لغز يا فيصل<<مو راضيه تعترف انه يحبها
\\\\\\\\\\\\\\\\\\\\\\\\\\\\\\\\\\\\\\\\\\\\\


نرجع لطلال

سمر . .. سمر.. . سمر .. . .سوسو . .سمووره

سمممممممممممممممممرررررررررر

سمر فرزت : يمه خرعتني

طلال: اعووذ بالله تدرين لك ساعه كامله تغنين ما مليتي

سمر : لا بس احب هالأغنيه

طلال : طيب قومي اركبي

سمر: زانت السيارة

طلال : لا للأسف ما جبت العدة بس انتي اركبي احسن من شكلك كذا لانه كلمت رفيقي وبيجي اللحين ومعه العده

سمر : يمديه ساعه ؟ حنا لنا ساعتين نمشي

طلال: لا مستحيل يمديه بس مو مشكله ننتظر ساعه كمان

اقبلت سياره فورد 2007 ومطفيه الأنوار ومو مبين اللي فيها

نزل شخص ولسه مو باينه ملامح وجهه

طلال: هلا حموود

.. . . . .

الشخص : انا مو حمود



في الرياض


ام فيصل : آآآآآآآآآآه يا وليدي آآآآآه يا حرقه قلبي عليك يا فيصل

فاطمه ام سمر :بسم الله عليك يا ام فيصل وش فيه ولدك لا تروعينا يا بنت

ام فيصل : آآآآآآآآآآآآآآآآآه يا فيييصل آآآآآآآآه عليك حسبي الله على اللي كان السبب

فاطمه ام سمر بخووف وتهدي ام فيصل وتقعدها : ميرري جيبي مويا . . اذكري الله يا ام فيصل اذكري الله


ام فيصل :واحد يهدى وظناه مو بيديه ولا يعرف وينه
بعد ربع ساعه لم هدت فاطمه ان سمر ام فيصل

فاطمه : اللحين قولي لي وش فيه فيصل

ام فيصل : ما فيه شي على حطت ايدك

فاطمه : لا يا وخيتي ترى فيصل مثل ولدي واخاف عليه مثل ما اخاف على عيالي

((ام فيصل تصير اخت فاطمه ام سمر ))

ام فيصل وكأنها تبي تحسس فاطمه بتأنيب الظمير : انتي تعرفين يا فاطمه ان سمر لفيصل من يوم هم صغار

فاطمه : انتي تعرفين يا ام فيصل اني مالي ايد في اللي صار ما كتب الله نصيب وما نقدر نرد القدر يا اختي حتى عرس بنتي ما حظرته كيف تبين يصير لي يد

ام فيصل : حسبي الله على اللي كان السبب

فاطمه : اذكري الله اذكري الله مو حاصل الا الخير ان شاء الله

ام فيصل : أي خير انتي وين الخير من اللي بيسويه فيصل

فاطمه : وش فيه فيصل وش بيسوي لا تهبليني ولي يرحم والدينك

ام فيصل : طلع من البيت يوم درى لانها في الطريق لرياض وقال بنطحهم و بذبح طلال اذا ما طلق سمر قدامي اخذ العجره يا ام سمر اخذ العجره

فاطمه : يا حسرتي على بنتي انا يا حسرتي عليها

ام فيصل : لازم نتصرف كلمي سمر خليها تقول لرجلها هالكلام عشان يعجل ويجي هنا

ام سمر : خبله انتي تبين بنتي تقول لرجلها ولد خالتي بيجي يذبحك اذا ما طلقتني

ام فيصل : يارب استر اجل تبينه يذبح الولد

ام سمر : مادري لازم نتصرف

يتبع في الفصل الثالث . .

الرجوع الى أعلى الصفحة اذهب الى الأسفل
M!Ss feefee
إدارهـ عــامه
إدارهـ عــامه
M!Ss feefee


المساهمات : 112
تاريخ التسجيل : 01/05/2008
الموقع : أين ما يوجد قلبي

روايه سعوديه جريئه كوميديه دراميه رومنسيه((افهم انك تموت وماتثيراهتمامي)) Empty
مُساهمةموضوع: رد: روايه سعوديه جريئه كوميديه دراميه رومنسيه((افهم انك تموت وماتثيراهتمامي))   روايه سعوديه جريئه كوميديه دراميه رومنسيه((افهم انك تموت وماتثيراهتمامي)) Icon_minitimeالسبت مايو 31, 2008 6:42 am

واااااااااااااااااااااااااااو حمآآآآآس ...

حراام عليك نزلي الجزء مــرهـ تحمست

ولا بعد موقفه عند مقطع حمآآآس

بليز حووبي نزلي اوكي


تح ـيآآآتي لك حووي

ويسلموو على النقل الرائع

,,M!Ss feefee ,,
الرجوع الى أعلى الصفحة اذهب الى الأسفل
https://no0o0or.yoo7.com/
M!Ss BeSho0o

M!Ss BeSho0o


المساهمات : 84
تاريخ التسجيل : 13/05/2008
الموقع : from::ro0o0m

روايه سعوديه جريئه كوميديه دراميه رومنسيه((افهم انك تموت وماتثيراهتمامي)) Empty
مُساهمةموضوع: رد: روايه سعوديه جريئه كوميديه دراميه رومنسيه((افهم انك تموت وماتثيراهتمامي))   روايه سعوديه جريئه كوميديه دراميه رومنسيه((افهم انك تموت وماتثيراهتمامي)) Icon_minitimeالإثنين يونيو 02, 2008 7:43 pm

الفصل الثالث:

ام فيصل : شوفي فاطمه اذا مانتي داقه انا بدق

فاطمه:لا انا بدق بس ماني قايله لها كلامك

سمر في السياره جوالها يرن طلال مو عندها

ردت سمر

سمر : الووو هلااا يمه

فاطمه : وعليكم السلام اخبارك يا سمر

سمر بشوق : الحمدالله يمه بخيررر جايه لك بطريق حنا اللحين

فاطمه بجديه: اسمعي سمر

سمر بخوف ومالها خلق مشاكل : وش فيه يمه عسى خير

فاطمه : خير ان شاء الله يا بنيتي بس ابيكم تسرعوون في الجيه يعني المشوارر 4ساعات ابيكم تجون بساعتين

سمر: هههههه خوفتيني يمه ادري مشتاقه لبنتك بس معليش شكلنا بنتأخر لأن السيارة مبنشره وطلال مو جايب عدته واتصل على صديقه وصديقه يبي له حوالي ساعة على ما يجي بس فيه واحد ولد خير جاي شكله بيساعدنا

فاطمه: لحظه يمه

فاطمه : ام فيصل يقولون مبنشرين وييبي لهم وقت على الجيه يا حسررتي بس دقي على فيصل طيب سكتيه بأي كذبه انهم وصلوا او أي شي

ام فيصل : ياحبي لك من اليوم وانا ادق ما يرد علي

فاطمه : الوو سمر

سمر تحس الموضوع فيه إنا : هلا

فاطمه : توصلون بالسلامة يمه انتبهي على رحوك وعلى رجلك

سمر : ابشري

فاطمه : يلاه مع السلامه

سمر وشاكه في الموضوع صوت امها مو نفس صوتها الدايم : هلا ولله

بنفس الوقت

طلال : هلا حمود
. . .
الشخص : انا مو حمود انا واحد من خلق الله ابي اساعدكم

الشخص هذا كان شكله مغزلجي ثووب وطاقيه كاب ومبين راعي بنات <<شكله موقف على باله في عوايل حب يشخص <<

طلال : الله يسلمك يا اخوي

الشخص : حياك الله وش فيها سيارتك

طلال يتنهد : يا طوويل العمر السيارة مبنشره وما معي لا كفر ولا عدة

الشخص : من جدك انت احد يسافر بدون هالعفش

طلال : الشكوى لله قبل يومين لقيت واحد بطريق مبنشر وما معه كفر عطيته كفري <<يا حبك للهياط يا طلال

الشخص : هههههه الله يجزاك خير بس انا ماني معطيك كفري

طلال : هههههه زين اجل تيسر يا طويل العمر

الشخص : ولله حبيت اساعد بس عاد الكفر صعبه

طلال : ولله مقدر عاادي يا شيخ انا احتري رفيقي اللحين بيجي ومعه كفر وعدة

الشخص : دام كذا اجل سلاام

طلال : حياك

راح الولد بسبيله

سمر نزلت من السيارة : هاه وش سوى رفيقك اللي مشخص علي فيه

طلال :هههههه يا حليلك هذا مغزلجي يحسب فيه عوايل وقف يسوي روحه

سمر : وش يدريك انت

طلال : تصدقين انه يوم حس اني لحالي مشى وما ساعدني ولا شي يقول ولله ودي اعطيك الكفر حقي بس متحسف عليه

سمر عاجبتها سواليف طلال: ههههههههههههههههههه يا حليلك عندك احساس بسم الله عليك انت

طلال : ايه بسم الله علي الله يحميني من عيون الحساد ياااارب يا كريم

سمر بملل : اقول ما تنعطى وجه انت دق على رفيقك هذا له ساعه وين اللي بيجي

طلال : ايه ولله انك صادقه

طلال : الوو حمود

حمود : هلاا بطش ورش

طلال : لا يكثر ما جتك رسالتي لي ساعة احتريك

حمود : لا ولله ما جاني شي ترى جوالي محشش هاليومين المووهم اسمع دامك دقيت بقولك اهلي بكرا رايحين يخطبون لي بنت عمي

طلال : يووووووووه مبرووك اجل مابي اخرب وناستك مع السلامه

حمود : ليه طلييل وش دعووه تامر امر انت

طلال : ما علي منك خلاص مع السلامه صك السماعة

ربع طلال فيهم صفه الأيثار أي شي تحبه انفسهم يفضلون ربعهم على انفسهم يعني لو طلال معطي حمود مجال كان جاه زحف

سمر : هاااه شو صار

طلال : بيخطبون له اهله بكرا ما ابي اخرب عليه

سمر: اووف شو هالحساااسيه توي ادري انك حساااس كان قلت له مو هم بيخطبون له بكرا مو اليوم خلاااص ماله داعي هالدلع <<سمر تسوي روحها شي

طلال : ااااااف خلاص عاد تراك مصختيها

سمر حست روحها بايخه اسكتت

طلال : هلاااا وغلااا

صوت مبحوووح هااادي حززين : هلابك

طلال : الفززعه

: فديتك

طلال: انا بطريق الرياض وبنشرت سيارتي وما معي لا عدة ولا كفر

: يوووه كم مره قلت لك يا طلال اترك هالعادة هذاني جايك كم ماشي انت

طلال : ساعة يعني احسب من الرياض لدمام ساعة تعرف سيارتي صح ومنها اشوفك بدري

: هذاي جيت



في الرياض بيت ام ليث

رفيف : يا عمري يا سمر

غرام : ايه يا قلبي تزوجت بدري يا حيي هي

عنود دخلت وجايبه العصير تضيف بنات خالاتها شعرها الى نص كتفها وهاي لايت اشقر على ثلجي طووويله مشاء الله عليها حوالي 170 وجهها طووويل واسمر مافيها جمال ابدااا لاكن عليها جسم لابسه بنطلون جنز وتيشرت كله ترتر احمر كأنها رايحه حفله عنود عمرها حوالي23سنة ما تزوجت ولا فكرت تتزوج بنات الخالات لما يتجمعون لازم يسوون بارتي بس اللحين على عقل شوي بس لا زالوا اذا شافوا بعض نص العقل يطيح

عنود : يا حيا الله من جانا

غرام : يا هلا وغلا بأخت رجلي <<تقصد ليث >>

رفيف : ها ها ها بحلمك تاخذينه ذاك المملوح

مرام : لا ولله وش ناقصني انا

رفيف بدلع مصطنع: مو ناقصك شي بس عشاني احلى منك

عنود تسوي روحها طفشانه منهم بمزح : بس بس خلااص كل هذا عشان اخووي

اروى تتنهد تسوي ذايبه : بنات يوم ليث نحف ولله يا طالع شيييي مو طبيعي

ليث يعاني من سمنه مفررطه وزنه يمكن 190 وناقص 90 كيلو ومسوي زووبعه بالعايلة بس مو كثر زوبعة سمر لما تزوجت طووله 178 حوالي مشاء الله العايله كلها طوال بس برضه لازم ينقص

رفيف : يوووه بنات سمر بتجي اليوم

البنات كلهم: وووووووووووووووووووووووواااااااااااااااااااااااااا اااااااااااااء

عنود تستوعب شوي : تعالي كيف تجي بصباحيتها مو المفروض اللحين مسافره لندن ولا باريس لشهر العسل

رفيف : اسكتي بس بلا شهر عسل بلا شهر بصل اهم شي سمر بتجي تخيلوا لنا سنتين ما شفناها

اروى : يووه قد ايش وحشتني صراخها وضحكها وهبالها

مرام : لا تتأملين واجد ممكن السنتين اللي خذتها عننا تغيرت فيهم

اروى : فال الله ولا فالك لا ان شاء الله

رفيف: ولله ما تدرين يا اروى

عنود : ولله كاسره خاطري تتزوج وهي بهالعمر وربي احسها صغيره

احلام تدخل وبمزح : اجل تبينها تعنس مثلكم

عنود : ووجع حنا عوانس

البنات رموا المخدات عليها من غير مطرود احلام اطلعي

طلعت

مرام : بنات ما تحسون غلط انه سمر ما اخذت فيصل وش تتوقعون ردة فعل فيصل

رفيف: اشش انطمي خلاص البنت تزوجت ما فيه شي اسمه فيصل <<ولله عاقله يا رفيف رفيف هاذي بنت تجمع بين العقل والخبال والأستهتار يعني كوكتيل بس فيها عصبيه بزيااده مشاء الله عليها قصيره نوعاً ما طولها 155 سم قصيره ولوو ما عليها نحيييييفة تحسها مجاعه إفريقيا وزنها 40 شعرها طوويل الي اسفل ظهارها يعني شكلها غلط قصيره وشعرها طويل بزيادة بس موراضيه تقصه قال ايش تحب الطويل واسوود ساااايح ستريت يعني و وجهها دائري تحس ملامحها ملامح هنديه في فلم هندي سمراء ووجها دائري عيونها وساع ورموشها طوال فيها ملح البنت 24سنه مخطوبه لولد عمها

اروى : من جد مرام ممكن تسكري على السالفه خلاص البننت بذمة رجال اللحين

مرام : اااااااف طيب ما قلنا شي ترى

رفيف : اروى ممكن تفهمين الدرج هاذي وش نقصد

اروى : مرام البنت اللحين متزوجه وبذمة رجال يعني لو زوجها يسمع لمحه بسيطه عن هالكلام بيروح فكره بعيد عن البنت وش تحبينه وش قالك وش قلتي له ويقعد ينبش في ذكرياته وتصير مشاكل في العايله وتتشوه سمعه البنت ويلاا عاد انتي فكري وش يبي يصير بعدين

مراام : يووه قد ايش انا دلخه ولله صدقتي اروى

((اروى)) بنت تمتلك اسلوب اقناع تحسها دكتوره نفسيه بكلامها وطريقه تفكيرها من عايله متووسطه لاكن البنت مثقفه كثيررر وعندها تفكير بعييييييد تقدس الحب لاكن ما تثق فيه شي اسمه حب تحسه حاجة مو بسهوله توجد واذا وجدت لازم تحذر منها وتحافظ عليها دبدووبه شوي بس حنوونه حيييل وزنها 69 وطولها 160 بيضااااء وجهها دب دووب وبيضاوي خشمها حااد كأنه سلة سيف رموشها قصيررره لاكن كثيفه عيونها صغار نوعاُ ما تعرف اللي شين ومحلي روحه غصب وتحس فيه لمحه حلا شعرها قصير قاصه قصه فكتوريا وبني فاااتح حواجبها مرسوومه عمرها 23 سنه

مرام نشوفها بعدين
___________________
نرجع لطلال وسمر

اقبلت سيارة فخمه بس موديلها قديم

طلال: هذاه جاء

سمر : ان شاء الله يكون هو

طلال : يا هلا ولله بفيصل الله يحييك اخبارك وانا اخووك

فيصل بكأبه ووجه شاحب : زين مبروك

طلال : الله يبارك فيك فيصل فيك شي؟

فيصل : لا مافيني شي ليه ؟

طلال : وجهك شاحب ومخطوف وهموم الدنيا على راسك
_____
(نشوف الحال عند سمر )

سمر في نفسها : فيصل ياااه يا قدمك معقوله هنت عليك يا ولد خالتي وينك اللحين داري ان مزوجه داري انهم غصبوني اييه الله يوفقك يا ..
_____

فيصل : قل للي في السيارة ينزلون عشان نرفع الجيب

طلال قرب من السيارة وعند دريشه سمر

طلال : سمر انزلي على جنب

سمر : ليه ؟ ؟

طلال : بنرفع السارة

سمر : وانزل كذا قدام الرجال

طلال : يا بنت الحلال بتصيرين وراء السيارة ماهو شايفك

سمر : اوكي

سمر قلبها ناغزها فيصل فيصل مين فيصل هذا

فيصل وطلال يشتغلون على السيارة

طلال وهو يشتغل على السيارة : وش فيك انت تبي تهرج ولا اهرجك غصب

فيصل : سمر يا طلال سمر

طلال : سمر بنت خالتك ؟

فيصل: ايه سمر بنت خالتي

طلال : يا حووول ازعجتنا فيها ذيك البزر وش فيها بعد ؟

فيصل ودموعه في عيونه وحابس عبرته : تزوجت !!

طلال : اااااااااااااااييييييييييييييش كيف وليه ومو على كيفهم وليه ما تصرفت

فيصل والعبرة خانقته : ما علموني الا اليوم

طلال : وليه ما تكلمت وقلت لي اتصرف ادبر لك حل

((سمر تسمعهم و شاكه في الموضوع بس قاعدة تطمن نفسها ان هذا كله صدفه وابليس يلعب براس البنت لعب ))

فيصل : مو قادر مو قادر انا مو عارف اذا هي مغصوبه ولا لا اذا كانت بأرادتها فالله يسامحها

سمر بنفسها: الا الا هو صوته الا هو مستحييل لا لا مو هو الا فيصل الا اعرف صوته

طلال: طيب انت تقدر تستحمل انها مو موجوده معك وبذمه واحد ثاني

فيصل : اكيييد ما اقدر استحمل بس اذا كانت برضاها فمستحيل اخرب عيشتها

طلال : اقدر افركش زواجها بس توعدني انك تخطبها على طول مو كذا

فيصل : انت مو فاهم الوضع انا خاطبها من زمان بس ابوها عسر وما يبي احد من طرف امها

طلال : ليه ؟
فيصل : مطلقين من سبع او تسع سنين

طلال: يووه معليش هاذي اقدر ادبرها لك بعد

سمر بدت تبكي وتشااهق من البكي ايووه فيصل وميت عشانه ما اخذها وهي بذمه غيره ما يدري ان اللي متزوجها صديقه ما يدري

سمر في نفسها: غبي هو غبي وطلال غبي وابوي وغبي وامي غبيه وانا غبيه وكلنا اغبياء <<هلوست يا قلبي هي <<



فيصل : وهاذي السيارة صلحت

طلال. . معليش يا خوك حملتك همي

طلال : لا تقول كذا لا الخك بالعجره

فيصل : هه تصدق معي عجره

طلال : اااااح وشوله

فيصل : كذا . .طيب انا أستأذن اللحين

طلال : بترجع الرياض .؟

فيصل : لا رايح الدمام

طلال : ليه ؟

فيصل : اغير جو يمكن اطلع من هالكأبه

طلال : زين معك عناوين العيال هناك عشان توسع صدرك عندهم وكذا <<طلاااال اجتماعي بحته<<

فيصل : لا مشكور بهدي اعصابي هناك بس

طلال : على راحتك اجل اشوفك على خير

فيصل : ان شاء الله

طلال : بمان الله

فيصل : الله يحفظك

سمر تشاهق من البكي وهي على البساط نزلت نقابها وغطوتها لأن الدموع ملتهم تبكي من قلب و قلبها محروق عليه . . مع انها ما تحبه كثر ما هو يحبها حبته بحدود وحاولت انها تكرهه بس ما قدرت لاكن وقفت حبها له عند حد بس راحمته ومنقهره من غطرسه ابوها واجباره لها على الزواج وتحطيم قلبها الصغير المليان بالأمل والطمومح وكيف تسلط ابوها حطم احلام ناس واجد أي أنثى تتمنى انها تتزوج واحد يحبها لييييه يسوي فيها كذا ليه حرمها من امها ومن ناس واجد غالين عليها تكررهه وتكره كل شي فيه

طلال شاف شكلها وهي تبكي تقطع قلبه عليها بكيها يكسر الخاطر تعرف الشخص اللي يحبس يحبس يحبس بكيته بعدين ينفجر بالبكي على شي سخييف كانت تبكي وما تبي توقف تبي تطلع كل الحزن اللي بقلبها ما جتها رغبه بالبكي كثر هالمره

طلال جلس جنبها : سمر سوسو حياتيـ.. سكت لحظه ليه قالها حياتي هي مو حياته يبي يسكتها يعني ولا حسها تمكلته بمجرد انها تبكي قدامه

كمل طلال : سمر شفيك

سمر تبكي . .

قرب طلال منها زياده : سوسو وش فيك لي تبكين

سمر نزلت راسها و زاد بكيها

طلال رفع وجهها لوجه ومسح دموعها ناظر في عيونها في الم ظلم حرمان خيانة قهر

طلال عمره ما حس روحه حنون كثر هالمره حضنها حضنها وبقووه يبي ياخذ كل الأم اللي في قلبها لقلبه بيبها تعيش يبيها ترتاح يبغها ما تبكي <<ليه ي طلال يعني بس عشانه تبكي قدامك كسرت خاطرك ونستك حبك الأول <<

سمر لما طلال حظنها كانت تبي تختبي في حضنه ما تبي حضنه ينتهي تبغى طول عمرها في حضنه محد حضنها ابدااا دايم تمثل دور القويه اللي ما تبكي و ما تحضن الا مخدتها مخدتها اللي تحضنها تحس الجماد احن عليها من احبابها اول مره شي من لحم ودم وروح يحضنها ما ذاقت طعم هالشي والليحن تذوقه وماتبي تعيش دون ما تذوقه

سمر.. عشر دقايق . . ربع ساعه . . ثلث ساعه

سمر في حضن طلال بس اسكتت كفت بكي من ربع ساعه

طلال بهمس وحنيه : هاه سمر تبين نمشي

سمر ذوبها صوت طلال تحبه لا لا مستحيل تحب اصلاُ القلب ما يشيل الا واحد معجبه فيه ابصم لكم على العشره

سمر وبصوت مبحووح بعد البكي: اوكي

قامت ولبست غطوتها والنقاب وجلست في السيارة شال طلال البساط وركب حرك السيارة الساعة 4 الفجر بقى ساعتين على ما ياصلوا

طلال بصوت حنون : جوعانه ؟؟

سمر: يعني مو مره

اصوات معده سمر

طلال : هههه قصدك مررره

سمر: هه جايز

طلال : اللحين اوقف عند محطه اعبي بنزين واجيب شويه خرابيط

سمر: اوكي


في الرياض

ام فيصل وام سمر جو لبيت ام ليث اللي هي ام عنود

صار في البيت

ام محمد وام ليث وام سمر وام فيصل وام بدر وام ماجد <<يا كثرهم مشاء الله >>

يتحضرون لأستقبال سمر صحيح الوقت متأخر لاكن عاد سمر بكت وحضنها طلال ما نقدر نسوي شي

نشوف شو صار :

ام ماجد : يالله لا يصير فيهم شي المفروض انهم هنا من ساعه

ام فيصل خيفاانه كثير تهمس لأم سمر فاطمه : وش فيهم ولله اني خايفه من فيصل

فاطمه تطمن اختها : لا لا مو حاصل الا الخير انتي تعرفي فيصل يقول يقول ولا يسوي

ام فيصل بشك : ليييته ولله الله يسمع منك

ام بدر : اعووذ بالله تعوذي من بليس تلقينهم بنشروا ولا تأخروا بفندق عن المحطات تعرفين معاريس

ام ليث : طيب وش رايكم تجون لغرفه الضيوف اهدى لكم من احسن من انكم واقفين كذا عند الباب

ام محمد : ايه ولله انك صادقه

ام ليث : طيب حياكم الله

دخلوا غرفه الضيوف

: : في غرفه البنات : :

مرام : ZzZzZzZ

رفيف : بالله هاذي تخاشر

اروى : هههه ايه يا حبي لها فديتها

عنود : مرام من جد قومي ولله سمر لو جت وشافتك نايمه ان تتحطط

مرام ونصها نوم : ما نمت ما نمت مانا استرخي بس

رفيف : يا عيني على الأسترخاء

مرام : ااااااااااش انطمي انتي خليك صفر على الشمال

رفيف : ان شاء الله عمتي

رفيف بهمس : البنت حششت مو ؟؟

اروى : ههههه شكلها

مرام : رفيفوووه اسمعك يالدرج

مرام : شخصيه مرحه اربع وعشرين ساعة ضحك وطنازه ما فيه وقت للجد العقل هذا حاذفته من القاموس فيها دلاخه على طيبه على لعانه ماتدري وش تسميها طويله نوعاً ما 165سم وزنها حلوو بنسبه لجسمها 55 كيلوو شعرها كيرلي زي ميريم فارس وطويل بشرتها مو بيضا ولا سمرا جايه في الوسط بشرتها تعبانه شوي بس فيها ميزه هاذي البنت عيونها عسلييييه تذبح والباقي حط عليه اكس يعني البسي نقاب الربع وعشرين ساعه يا مرام وبيخقون عليك ان شاء الله عمرها 20 سمه قريبه من سمر كثير
الرجوع الى أعلى الصفحة اذهب الى الأسفل
M!Ss BeSho0o

M!Ss BeSho0o


المساهمات : 84
تاريخ التسجيل : 13/05/2008
الموقع : from::ro0o0m

روايه سعوديه جريئه كوميديه دراميه رومنسيه((افهم انك تموت وماتثيراهتمامي)) Empty
مُساهمةموضوع: رد: روايه سعوديه جريئه كوميديه دراميه رومنسيه((افهم انك تموت وماتثيراهتمامي))   روايه سعوديه جريئه كوميديه دراميه رومنسيه((افهم انك تموت وماتثيراهتمامي)) Icon_minitimeالإثنين يونيو 02, 2008 7:46 pm

رد : روايه سعوديه جريئه كوميديه دراميه رومنسيه((افهم انك تموت وما تثير إهتمامي))

تابع الفصل الثالث
رفيف بهمس : البنت حششت مو ؟؟

اروى : ههههه شكلها

مرام : رفيفوووه اسمعك يالدرج

مرام : شخصيه مرحه اربع وعشرين ساعة ضحك وطنازه ما فيه وقت للجد العقل هذا حاذفته من القاموس فيها دلاخه على طيبه على لعانه ماتدري وش تسميها طويله نوعاً ما 165سم وزنها حلوو بنسبه لجسمها 55 كيلوو شعرها كيرلي زي ميريم فارس وطويل بشرتها مو بيضا ولا سمرا جايه في الوسط بشرتها تعبانه شوي بس فيها ميزه هاذي البنت عيونها عسلييييه تذبح والباقي حط عليه اكس يعني البسي نقاب الربع وعشرين ساعه يا مرام وبيخقون عليك ان شاء الله عمرها 20 سنه قريبه من سمر كثير

البنات : هههههههههههههااااااااااي

مرام ونصها نوم : خخخخخخخ الله من السخافه قايله نكته انا

رفيف : هههه لا ما قلتي نكته بس انتي بحالك نكته

مرام ودها تتهاوش : انتي هيه وقفي الميانه ترى ما اسمح لك

رفيف : طيب طيب انتبهي يطق لك عرق

مرام : رفيفووه انطمي لا الخك يا وجه البومه

رفيف : بنت بنت هيه يا بزر احترمي نفسك

اروى : بنات من جدكم تتهاوشون

مرام : ليه مو مصدقه اروى هانم مو عاجبك هواشنا ولا لازم امعط شوشوت هالنتفه اللي قدامي

رفيف : خخخخخخخخخ اقول روحي شوفي روحك وجهك اعوذ بالله تقل مشخاله

مرام : كووولي تبن يالتبن مالمشخال الا وجهك اصلا انتي غيرانه مني

عنود : خير خير ان شاء ولله وين حنا احترموا وجودنا طيب

رفيف: كولي كبر راسك عنود انتي مالك شغل

عنود اسكتت خافت تدخل في المشكله لانهم يتكلمون بصراخ وهي مسويه ثقل هاليومين ما تبي تخرب البرستيج <<اقوول الله من الدلع

يتبع في الفصل الرابع . .

الرجوع الى أعلى الصفحة اذهب الى الأسفل
M!Ss BeSho0o

M!Ss BeSho0o


المساهمات : 84
تاريخ التسجيل : 13/05/2008
الموقع : from::ro0o0m

روايه سعوديه جريئه كوميديه دراميه رومنسيه((افهم انك تموت وماتثيراهتمامي)) Empty
مُساهمةموضوع: رد: روايه سعوديه جريئه كوميديه دراميه رومنسيه((افهم انك تموت وماتثيراهتمامي))   روايه سعوديه جريئه كوميديه دراميه رومنسيه((افهم انك تموت وماتثيراهتمامي)) Icon_minitimeالإثنين يونيو 02, 2008 7:49 pm

هااااااااااااااااااااااااااااااي

حووووووووووووووووووبي


عشاااااان خااااااطر ***عيووونك***


نزلت،ـــــــــــــــــه


M!Ss Besho0o
الرجوع الى أعلى الصفحة اذهب الى الأسفل
M!Ss feefee
إدارهـ عــامه
إدارهـ عــامه
M!Ss feefee


المساهمات : 112
تاريخ التسجيل : 01/05/2008
الموقع : أين ما يوجد قلبي

روايه سعوديه جريئه كوميديه دراميه رومنسيه((افهم انك تموت وماتثيراهتمامي)) Empty
مُساهمةموضوع: رد: روايه سعوديه جريئه كوميديه دراميه رومنسيه((افهم انك تموت وماتثيراهتمامي))   روايه سعوديه جريئه كوميديه دراميه رومنسيه((افهم انك تموت وماتثيراهتمامي)) Icon_minitimeالثلاثاء يونيو 03, 2008 9:27 pm

آقـــول حووبي


موووكآنه قصير آبــــي طوويل >>> مآآتشبع


هع حوبي تسلم عنوونكـ, قلبووو


تح ـيـآآتي لكـ,


,,M!Ss feefee ,,
الرجوع الى أعلى الصفحة اذهب الى الأسفل
https://no0o0or.yoo7.com/
 
روايه سعوديه جريئه كوميديه دراميه رومنسيه((افهم انك تموت وماتثيراهتمامي))
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
II4II you... :: المنتديات الادبيه :: ::الـقـصص والـروايـات::-
انتقل الى: